Muni's Playश्री गुरुरुवाच
आराधयामि मणिसन्निभमात्मलिङ्गम्
मायापुरीहृदयपङ्कजसन्निविष्टम् ।
श्रद्धानदीविमलचित्तजलाभिषेकै-
र्नित्यं समाधिकुसुमैर्नपुनर्भवाय ॥ 9 ॥
śrī gururuvācha
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam ।
śraddhānadīvimalachittajalābhiṣēkai-
rnityaṃ samādhikusumairnapunarbhavāya ॥ 9 ॥
निरावरणचैतन्यं प्रकाशोऽस्मीति चिन्तनम् ।
आत्मलिङ्गस्य सद्वस्त्रमित्येवं चिन्तयेन्मुनिः ॥ 15 ॥
nirāvaraṇachaitanyaṃ prakāśō’smīti chintanam ।
ātmaliṅgasya sadvastramityēvaṃ chintayēnmuniḥ ॥ 15 ॥
अनेकवासनामिश्रप्रपञ्चोऽयं धृतो मया ।
नान्येनेत्यनुसन्धानमात्मनश्चन्दनं भवेत् ॥ 17 ॥
anēkavāsanāmiśraprapañchō’yaṃ dhṛtō mayā ।
nānyēnētyanusandhānamātmanaśchandanaṃ bhavēt ॥ 17 ॥
ईश्वरो गुरुरात्मेति भेदत्रयविवर्जितैः ।
बिल्वपत्रैरद्वितीयैरात्मलिङ्गं यजेच्छिवम् ॥ 19 ॥
īśvarō gururātmēti bhēdatrayavivarjitaiḥ ।
bilvapatrairadvitīyairātmaliṅgaṃ yajēchChivam ॥ 19 ॥
समस्तवासनात्यागं धूपं तस्य विचिन्तयेत् ।
ज्योतिर्मयात्मविज्ञानं दीपं सन्दर्शयेद्बुधः ॥ 20 ॥
samastavāsanātyāgaṃ dhūpaṃ tasya vichintayēt ।
jyōtirmayātmavijñānaṃ dīpaṃ sandarśayēdbudhaḥ ॥ 20 ॥
नैवेद्यमात्मलिङ्गस्य ब्रह्माण्डाख्यं महोदनम् ।
पिबानन्दरसं स्वादु मृत्युरस्योपसेचनम् ॥ 21 ॥
naivēdyamātmaliṅgasya brahmāṇḍākhyaṃ mahōdanam ।
pibānandarasaṃ svādu mṛtyurasyōpasēchanam ॥ 21 ॥
अज्ञानोच्छिष्टकरस्य क्षालनं ज्ञानवारिणा ।
विशुद्धस्यात्मलिङ्गस्य हस्तप्रक्षालनं स्मरेत् ॥ 22 ॥
ajñānōchChiṣṭakarasya kṣālanaṃ jñānavāriṇā ।
viśuddhasyātmaliṅgasya hastaprakṣālanaṃ smarēt ॥ 22 ॥
रागादिगुणशून्यस्य शिवस्य परमात्मनः ।
सरागविषयाभ्यासत्यागस्ताम्बूलचर्वणम् ॥ 23 ॥
rāgādiguṇaśūnyasya śivasya paramātmanaḥ ।
sarāgaviṣayābhyāsatyāgastāmbūlacharvaṇam ॥ 23 ॥
अज्ञानध्वान्तविध्वंसप्रचण्डमतिभास्करम् ।
आत्मनो ब्रह्मताज्ञानं नीराजनमिहात्मनः ॥ 24 ॥
ajñānadhvāntavidhvaṃsaprachaṇḍamatibhāskaram ।
ātmanō brahmatājñānaṃ nīrājanamihātmanaḥ ॥ 24 ॥
श्रवणं तस्य देवस्य श्रोतव्याभावचिन्तनम् ।
मननं त्वात्मलिङ्गस्य मन्तव्याभावचिन्तनम् ॥ 29 ॥
śravaṇaṃ tasya dēvasya śrōtavyābhāvachintanam ।
mananaṃ tvātmaliṅgasya mantavyābhāvachintanam ॥ 29 ॥
ध्यातव्याभावविज्ञानं निदिध्यासनमात्मनः ।
समस्तभ्रान्तिविक्षेपराहित्येनात्मनिष्ठता ॥ 30 ॥
dhyātavyābhāvavijñānaṃ nididhyāsanamātmanaḥ ।
samastabhrāntivikṣēparāhityēnātmaniṣṭhatā ॥ 30 ॥
समाधिरात्मनो नाम नान्यच्चित्तस्य विभ्रमः ।
तत्रैव बह्मणि सदा चित्तविश्रान्तिरिष्यते ॥ 31 ॥
samādhirātmanō nāma nānyachchittasya vibhramaḥ ।
tatraiva bahmaṇi sadā chittaviśrāntiriṣyatē ॥ 31 ॥